امن دولة: امن دولة

الاثنين، 18 فبراير 2008

امن دولة

الست عزيزة نامت
الست عزيزة قامت

على صوت ضجيج ودوشة
ركبها يا عينى سابت

بيقولوا دا امن دولة
بيدور ع ابن ثابت

جالهم اخبار بانة دقنه

اعرضت وطالت

ولقوه طبعا لقوه
على حتة بعييييد خدوه

وتحت لمبة صفرا

بدأوا يستجوبوه

اسمك سنك وظيفتك

بتصلى الفجر فين

وبتعرف مين ومين

ومين ده يعرف مين

اسمى تامر ثابت شنودة

30 سنة وعاطل

والقبض على باطل

طبعا عرفتوا ليه

هناك 3 تعليقات:

kiko يقول...: رغم انى مش بحب العامية ولا الشعر عاشق للقصة فقط لكن يا استاذ محمد شدتنى بكلامك
تسلم
وكل سنة وانت طيب
واتمنالك المزيد; 11 ديسمبر 2008 في 1:14 ص
أبو عبد الله عمر يقول...: السلام عليكم ورحمة الله وبركاته

طيب .. بص علشان تعرف بس اني برمي وداني كويس أنا قلت لازم أسيب لك تعليق :)

عجبني النص بتاع أمن دولة قوي - أكثر من شفيقة ومتولي - لذا فأنا أعقب على هذه التدوينة رغم أنها أقدم .

عجبني الكلمتين اللي تحت عنوان المدونة - كما يقول الشباب آخر حاجة - .. ممتعين بجد

عموماً زيارة سريعة أولية وليست الأخيرة .. ومتعنا يا محمد بشغلك

سأمر قريباً بإذن الله

أبو عبد الله عمر; 17 ديسمبر 2008 في 12:56 م
غير معرف يقول...: يا مسافر لكفر الدوار .. ورحلتك كلها اسرار .. ورجعت اخر النهار ..اوعى تقول انك هتكرر المشوار ..; 7 فبراير 2009 في 4:27 ص