السبت، 22 يناير 2011

وحشتنى حاجات كتييييييير


وحشتنى حاجات كتير جداً

وحشتنى جداً مدونتى ..

واحشنى جداً المشى فى وسط البلد قبل الفجر ..

واحشنى جدا الذهاب لمباراة باسكت وتأليف شعارات للجماهير يتغنون بها..

وحشتنى جدا طياراتى الورق والوانها الزاهية وثباتها ضد الرياح ..

وحشتنى طنطا اللى اعرفها من سنة 90 لأن اللى عديت عليها السنة اللى فاتت مش طنطا اللى اعرفها..

وحشتنى كل المدارس اللى درست فيها ( الرويعى الإبتدائية & القربية الإعدادية & الحسينية الثانوية ) ..

واحشنى ابلة نفيسة اول مدرسة شاهدتها فى حياتى وأستاذ رشاد مدرس العربى وأستاذ احمد السمين مدرس العربى وأستاذ عصام مدرس الفلسفة

وأستاذ محمد عيد مدرس العلوم ..

وحشتنى الكلمات المتقاطعة لأنى مش لاقى وقت لحلها او تصميمها زى زمان ..

وحشتنى جدا قصيدة جديدة يزيلها اسمى ..

واحشنى اصدقائى بجد وخايف ننسى بعض من البعد ..

واخيراً واحشنى جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا محمد زوام

هناك 5 تعليقات:

رانيا مسعود Rania Masoud يقول...

كنت واحشنا كلنا هنا ع المدونة و يا دوبك بفكر في كدة لقيتك كاتب إنك حتى واحش نفسك
مش كدة برضو يا زوام إن لمدونتك عليك حق
ههههههههههه
رانيا مسعود

محمد زوام يقول...

اى خدمة يا رانيا..
لما تحبى تشوفى اى حاجة .. بس انتِ قولى جزر
وهاتلاقينى زى الاسترلينى عندك فى الحال .

محمد سلامة يقول...

يا خوفي يا زومة لنوحشك بعد الجواز

هاني مهران يقول...

وبعد ما الحاجات دى وحشتك

قررت تعمل ايه ؟؟


لو عندك مكان عالى ( سطوح محترم ) آجى

انا والواد سلامة وحاتم والواد حسام ونعمل طيارات بإدينا ونطيرها

وبكدة نبقى عملنا حاجة من اللى وحشانا

انت الوحيد اللى تقدر تجمعنا على الفكرة دى

تبدأ التنفيذ ولا مسحول

الفكرة هتاخد ترتيب فى التليفون بس
والتنفيذ يوم واحد بس

والجو فى الشتا بيحب الطيارات جدا

ونجيب الواد محمد توفيق يرغى ويقول قصيدة الطيارة واحنا بنطير الطيارات

وناخد بعض مقالب والطيارات تشبك

دا هيبقى يوم جاااااااااااااااااااامد


فكر انت بس

الامضاء :واحد وحشه الحاجات دى برده

رانيا مسعود Rania Masoud يقول...

على فكرة شيل الهمزة من تحت الابتدائية أحسن أنتَ حر هرجعك لها تاني عشان تفتكرها كويس
هههههههههههههههه
:)